Бугун,

  • USD 10920.28
  • RUB 177.49
  • EUR 11052.42

Тошкент метрополитенининг «Новза» бекати яқинида поезд вагони техник носозлик оқибатида тўхтаб қолди. Ижтимоий тармоқларда метро йўловчилари туннел бўйлаб пиёда кетаётгани акс этган видео ва фотолар тарқалди.

«Дарё» муштарийларининг @daryo_livebot орқали маълум қилишича, метронинг «Чилонзор» йўналиши бўйлаб поездлар «тескари юряпти». Яна бир муштарий «Сергели йўлида ярим соатдан бери метро тўхтаб тургани» ҳақида ёзиб юборган.

«Чилонзор» метро бекатидаги вазият. Фотосурат 28 апрель куни соат 17:57 да «Дарё» муштарийи томонидан юборилган.
Фото: Telegram / @daryo_livebot

«Поезд одамларни 2-бекатда тушириб, орқага қайтиб кетди. Йўловчилар изоҳ талаб қилмоқда», — деб ёзган сергелилик муштарий.

«Чилонзор» метро бекатидаги вазият. Фотосурат 28 апрель куни соат 17:57 да «Дарё» муштарийи томонидан юборилган.
Фото: Telegram / @daryo_livebot

Аввалроқ, 8 апрель куни Тошкент метросининг Сергели ерусти йўлида ҳам поезд тўхтаб қолган, йўловчилар рельслар бўйлаб пиёда ҳаракатланишга мажбур бўлган эди. Кейинчалик метро расмийлари шундай воқеа бўлиши метро йўли қурилаётган вақтдаёқ кутилгани, бироқ бу муаммо кутилганидан аввал юз берганини маълум қилганди.

Изоҳ
Асосий янгиликлар