Ўзбекистон Бош прокуратурасининг 33 ёшли ходими вафот этди

Ўзбекистон Бош прокуратураси жамоатчилик билан алоқалар ва ҳуқуқий ахборот бўлими прокурори лавозимида ишлаб келган Самир Раҳмонов 26 апрель куни 33 ёшида вафот этди.

«Xabar.uz»нинг ёзишича, ўлимга юрак хуружи сабаб бўлган.

«Бош прокуратура ҳузуридаги департаментда иш бошлаган Самир Раҳмонов кейинги йилларда маҳкама матбуот хизмати масъул вакили сифатида оммавий ахборот воситалари ходимлари ўртасида самимий ва очиқкўнгил инсон сифатида алоҳида ҳурмат қозонган эди», — деб ёзган нашр.

2020 йилнинг июлида бош прокурорнинг собиқ ўринбосари Ҳакимбай Ҳалимов 66 ёшида, ўша йилнинг августида Бош прокуратуранинг 37 ёшли ходими Алишер Ҳошимов коронавирус асоратларидан вафот этганди.