Ўзбекистоннинг барча ҳудудлари бўйича апрель ойининг охирига қараганда ёзнинг боши учун хос бўлган очиқ об-ҳаво ҳарорати кузатилди, деб хабар бермоқда «Ўзгидромет».
26 апрель ва иш ҳафтаси давомида ҳарорат меъёрдан 5-8 даража юқори бўлади. Ҳаво ҳарорати кечалари 14-17 даража, кундуз кунлари 32-35 даража, жанубда ва чўл ҳудудларида 37-38 даражагача бўлади.
Қайд этилишича, кундузги ҳарорат шу кунлар учун бўлган мутлақ максимумга яқинлашади.
Ҳафтанинг охирида Каспий денгизининг шимолий ҳудудларидан салқин ва бироз нам ҳаво массалари кириб келади. Республика ҳудудида ҳаво булутли бўлиши кутилмоқда, лекин ёғингарчилик эҳтимоли кам бўлади. Кундуз куни ҳарорат 27-32 даражагача бироз пасаяди, аммо меъёрдан юқори бўлиб қолади.
Мавзуга доир: Ўзбекистонда 27 апрель куни 38 даражагача иссиқ бўлади
Изоҳ (0)