ОЧЛ. 4 та гол урилган ўйинда ОКМК Жалолиддин Машарипов жамоасига енгилиб, сўнгги ўринга тушиб кетди
Футбол бўйича Осиё Чемпионлар Лигаси гуруҳ босқичи 4-тури доирасида ОКМК 24 апрель, шанба куни «Шабоб ал-Аҳли» билан баҳс юритди.
Учрашувнинг дастлабки бўлими голларга бой бўлди. 3-дақиқада Ҳариб Абуллла ўзбекистонлик ярим ҳимоячи Жалолиддин Машариповнинг заргарона узатмасини голга айлантирди. Орадан 8 дақиқа ўтгач, Карлос Эдуардо қайчи услубида гол уриб, ҳисобни оширди. 14-дақиқада Шоҳрух Гадоев ҳисобни қисқартиришга муваффақ бўлди. Аммо 30-дақиқада Олмалиқ клуби ҳимоячиларининг жарима майдончаси ичида йўл қўйган қўпол хатосидан кейин Аҳмад ал-Ҳошми ҳисобни 3:1 кўринишига олиб келди, ушбу вазиятда ҳам Машарипов голга ассистентлик қилди.
Иккинчи 45 дақиқаликда эса жамоалар ҳар қанча уринмасин дарвозаларга бошқа тўп киритилмади. Жамоаларнинг биринчи давра доирасида ўтказилган ўйинида ОКМК 2:1 ҳисобида ғалаба қозонганди.
Ушбу ғалабадан кейин БАА клубининг очколари 4 тага етди, жамоа B гуруҳида 3-ўринда бормоқда. ОКМК ҳисобида ҳам 4 очко бор, «кончилар» сўнгги поғонани банд этган.
Гуруҳнинг иккинчи ўйинида Тожикистоннинг «Истиқлол»и «Ал-Ҳилол»ни 4:1 ҳисобида мағлуб этди. Тожик клуби сафида Манучехр Жалилов ва Манучехр Сафаров дублга эришган бўлса, мезбонлардан Бафетимби Гомис ўз ҳисобига гол ёздириб қўйди.
4-турдан кейин B гуруҳидаги ҳолат қуйидагича:
ОЧЛ
Гуруҳ босқичи, 4-тур
24 апрель, шанба
«Шабоб ал-Аҳли» — ОКМК
Голлар: 1:0 — 3 Абдулла, 2:0 — 11 Эдуардо, 2:1 — 14 Гадоев, 3:1 — 30 ал-Ҳошми«Шабоб ал-Аҳли»: 55.Мажид Носир, 2.Салмин Ҳамис, 3.Карлос Эдуардо (4.Муҳаммад Марзуқ, 76), 5.Волид Аббос, 7.Жалолиддин Машарипов, 15.Абдулла ал-Нақби, 34.Ҳариб Абдулла, 36.Ҳамдан ал-Камоли, 62.Абдулазиз Санқур, 77.Аҳмед ал-Ҳошми, 88.Мажид Ҳассан.
ОКМК: 2.Суҳроб Султонов, 77.Дилшод Аҳмадалиев (20.Мирғиёс Сулаймонов, 35), 8.Бобур Йўлдошев, 7.Сардор Раҳмонов, 2.Акром Комилов, 23.Йован Жокич, 17.Санжар Турсунов (5.Дилшод Жўраев, 74), 4.Миржамол Қосимов (22.Санжар Шоаҳмедов, 46), 94.Элвин Фортес (21.Санжар Жумабоев, 52), 18.Александр Касян, 28.Шоҳрух Гадоев (10.Ҳусниддин Ғофуров, 46).
Огоҳлантириш: Носир (15), Раҳмонов (28), Санжар Турсунов (41).
