Фарғона вилоятининг Фарғона туманида яшовчи ота фарзанди учун 18 ёшга тўлгунига қадар тўланиши керак бўлган алимент пулини аввалдан тўлаб берди. Бу ҳақда «Дарё»га МИБ вилоят бошқармаси маълум қилди.
Маълум бўлишича, Фуқаролик ишлари бўйича Фарғона туманлараро судининг ижро ҳужжатига асосан қарздор Г.А.дан ундирувчи М.Д. фойдасига вояга етмаган бир нафар фарзандининг моддий таъминоти учун алимент ундириш белгиланган. Қарздор ота охирги вақтларда тўловларни ўз вақтида амалга оширмаган.Бюро ходимлари томонидан Г.А. билан профилактик суҳбат ўтказилиб, ўз вақтида алимент тўламасликнинг ҳуқуқий оқибатлари тушунтирилган. Шундан сўнг у алиментни олдиндан тўлиқ тўлаб беришини маълум қилган.
Бюронинг давлат ижрочиси томонидан ҳисоблаб берилган 99 миллион 908 минг сўм алимент пулларини собиқ турмуш ўртоғи тўлиқ олгандан сўнг ҳужжатлар расмийлаштирилиб, ижро ҳужжати тамомланган.
Изоҳ (0)