17 апрель куни бош вазир Абдулла Арипов бошчилигида коронавирусга қарши кураш комиссиясининг кенгайтирилган йиғилиши бўлиб ўтмоқда. Бу ҳақда «Дарё» мухбири Мусулмонбек Иброҳимов хабар берди.

Фото: «Дарё» / Мадина Нурман

Йиғилишда бутун дунё бўйлаб коронавирусга чалинганлар сони ортаётгани таъкидланган.

«16 апрель ҳолатига кўра, дунё бўйлаб коронавирусга чалинганлар сони 119 миллион кишидан ошди. Уларнинг 3 миллионга яқини вафот этган. Дунё бўйича ўтган бир сутка ичида 837 минг кишида касалланиш ҳолати қайд этилган, 14 мингга яқин бемор вафот этган. Бу пандемия бошланганидан буён қайд этилган энг юқори суткалик кўрсаткич ҳисобланади.

Қозоғистонда ҳам кунлик касалланиш 2,8 минг кишидан ошган — уларда ҳам кўрсаткич бунга чиқмаган эди. Қирғизистондан эса 3 мингдан ошиб кетди.

Ўзбекистонда охирги суткада коронавирусга чалинганлар сони 300 кишидан ошгани сабаб комиссия фавқулодда йиғилиш ўтказишга қарор қилинди», — дейди Абдулла Арипов.

Бош вазирнинг таъкидланишича, Президент Шавкат Мирзиёев ҳам ҳозирги пандемия ҳолатидан безовта бўлиб, Республика махсус комиссиясига эътироз билдирган, жойларда карантин тадбирларини ташкил этишда тегишли чоралар кўрилмаётганини таъкидлаган.

Эслатиб ўтамиз, апрель бошида Шавкат Мирзиёев мамлакат қаттиқ карантинга қайтмаслигини маълум қилиб, «ҳеч қаерни ёпилмаслиги, лекин тартиб-интизомни кучайтирилишини» таъкидлаган эди.