ОЧЛ 1-турининг энг чиройли голига даъвогарлар эълон қилинди. «Пахтакор» иштирокидаги ўйинда урилган 2 та гол номзодлар қаторида (видео)

Ғарбий минтақада марказлашган тизимда ўтказилаётган Осиё Чемпионлар Лигасининг 1-тур учрашувлари 14 ва 15 апрель кунлари бўлиб ўтди.

ОФК матбуот хизмати тур якунлари бўйича ҳафтанинг энг чиройли голига даъвогарлар рўйхатини эълон қилди.

Номзодлар қаторидан «Пахтакор» ярим ҳимоячиси Шароф Муҳиддиновнинг голи ҳам ўрин олди. Шунингдек, «Пахтакор» дарвозасига киритилган иккинчи тўп ҳам ғолиблик учун кураш олиб боради.

Қуйида номзодлар билан танишинг:

• Жалол Ҳуссайни («Персеполис») — «Ал-Ваҳда»га қарши ўйиндаги (1:0) гол;
• Муҳаммад Аббосзода («Трактор») — «Пахтакор»га қарши баҳсдаги (3:3) гол;
• Шароф Муҳиддинов («Пахтакор») — «Трактор»га қарши учрашувдаги (3:3) гол;
• Меҳди Ғоиди («Истиқлол») — «Ал-Аҳли»га қарши беллашувдаги (5:2) гол;
• Холид Бавазир («Шаржа») — «Эйр Форс»га қарши ўйиндаги (1:0) гол.

ОФК расмий сайтида сўровнома бўлиб ўтмоқда. Ушбу ҳавола орқали кириб, сўровномада қатнашиш мумкин.