Россиянинг Рубцовск шаҳрида пулсиз кўчада қолган Ўзбекистон фуқаролари Новосибирск шаҳрига олиб келинди, деб хабар беради Ташқи меҳнат миграцияси агентлиги матбуот хизмати.
Маълум қилинишича, улар вақтинча хостел ва иссиқ овқат билан таъминланган.
«Ватандошларимизни қийин аҳволга тушиб қолиш сабабларига ойдинлик киритиш ва ёрдам бериш мақсадида мамлакатимизнинг Новосибирск шаҳридаги Бош консулхонаси ҳамда Ташқи меҳнат миграцияси агентлиги вакиллари фуқаролар билан суҳбатлашди», — дейилади хабарда.
Таъкидланишича, вужудга келган муаммолар ечими, шу билан бирга, фуқароларга амалий ёрдам бериш ишлари Бош консулхона назоратига олинган.
Аввалроқ «Юксалиш» умуммиллий ҳаракати биносида бўлиб ўтган Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитасининг мажлисида чет элда бошпанасиз қолган ўзбекистонлик мигрантларга молиявий ёрдам кўрсатилиши маълум қилинганди.
Мавзуга доир:
Изоҳ (0)