Россия ветеринария ва фитосанитария назорати бўйича федерал хизмати («Россельхознадзор») 14 апрелдан бошлаб Ўзбекистондаги 17 та корхонага Россияга помидор ва қалампир маҳсулотларини олиб киришга рухсат берди. Бу ҳақда идора сайтида маълум қилинди.
Унда айтилишича Вазирлар Маҳкамаси ҳузуридаги Ўсимликлар карантини давлат инспекцияси «Россельхознадзор»га Фарғона, Навоий ва Қашқадарё вилоятларидаги помидор ва қалампир етиштирувчи 17 та корхона маҳсулотлари уруғли жигарранг буришган вируси (ToBRFV Tomato brown rugose fruit virus)дан ҳоли эканлиги ҳақида маълумотларни тақдим этган.
Шу сабабли «Россельхознадзор» Ўзбекистоннинг ваколатли ташкилоти кафиллиги билан қуйидаги корхоналарга Россияга помидор ва қалампирни етказиб беришга рухсат берди:
- «Автомобильчи МТП» МЧЖ (Қашқадарё вилояти);
- «Шахзода Ирода Нодира» МЧЖ (Қашқадарё вилояти);
- «Файзуллаев Муҳриддин» МЧЖ (Қашқадарё вилояти);
- «Қашқадарё тараққиёт парник сервис» МЧЖ (Қашқадарё вилояти);
- «Сиёб Барака» МЧЖ (Қашқадарё вилояти);
- «Навоий Бетон Тайёрлов» МЧЖ (Навоий вилояти);
- «Агро Экспорт Саховати» МЧЖ (Навоий вилояти);
- «Саид-Шоҳсанам» МЧЖ (Навоий вилояти);
- «Баракали ҳосил голд» МЧЖ (Навоий вилояти);
- «Навоий Саховат Голд» МЧЖ (Навоий вилояти);
- «Навоий Зироат Боғи» МЧЖ (Навоий вилояти);
- «Жаҳон Бизнес Барака Сервис» МЧЖ (Навоий вилояти);
- «Реал кабел инвест» МЧЖ (Фарғона вилояти);
- «Зимний сад» МЧЖ (Фарғона вилояти);
- «Ёрқин Захро» МЧЖ (Фарғона вилояти);
- «Ижодкор Барака Ҳосилдор» МЧЖ (Фарғона вилояти);
- «О Фар Ёз Инновация» МЧЖ (Фарғона вилояти).
2021 йил 1 январдан бошлаб Россияга Навоий ва Қашқадарё вилоятларидаги 34 корхонадан помидор олиб кирилишига рухсат берилди, 3 мартдан бошлаб эса Навоий ва Қашқадарёдаги яна 6 та корхонадан помидор олиб кирилишга рухсат берилди.
Аввалроқ «Россельхознадзор» 2021 йил 7 апрелдан бошлаб Фарғона вилоятидан Россия ҳудудига помидор ва қалампирдан ташқари, барча ўсимлик маҳсулотларини олиб киришга рухсат бергани ҳақида хабар берилган эди.
Изоҳ (0)