Жиззах вилоятининг Зарбдор туманида 102 ёшга кирган онахон коронавирусга қарши эмланди, деб хабар беради ССВ матбуот хизмати.
Қайд этилишича, Суймахол Зулимова 1919 йилда туғилган бўлиб, туманнинг «Оқар» МФЙ Баҳор кўчасида яшайди.
«Болам, жон ширин экан, мана, мен 102 ёшга кириб эмландим. Шифокорлар доим ҳолимдан хабар олиб туради. Ножўя таъсирини сезмадим. Илоҳим, юртимиз доим тинч, юртбошимиз омон бўлсин. Бу бало-ю офатлардан тезроқ халос бўлайлик», — дейди Суймахол момо.
Эслатиб ўтамиз, Ўзбекистонда 13 апрель ҳолатига кўра, коронавирус инфекциясига қарши эмланган фуқаролар сони 256 958 нафарга етди. Уларнинг 14 мингдан ортиғи Жиззах вилояти ҳисобига тўғри келмоқда.
Аввалроқ қашқадарёлик 91 ёшли онахон коронавирусга қарши эмлангани тўғрисида хабар берилганди.
Мавзуга доир: Тошкентда 99 ёшли онахон коронавирусдан соғайиб чиқди
Изоҳ (0)