Бухорода тадбиркорнинг 23,6 миллион сўм пулини ўтказиб бериш эвазига 2,3 миллион сўм олган мансабдор ушланди, деб хабар бермоқда Бош прокуратура ҳузуридаги Иқтисодий жиноятларга қарши курашиш департаменти матбуот хизмати.
Маълум қилинишича, вилоят Уй-жой коммунал хизмат кўрсатиш бошқармаси Бухоро шаҳар бўлими бошлиғи С.Х. «А.О.» МЧЖ раҳбарининг ишончига кириб, шаҳардаги кўп қаватли уйларда бажарилган таъмирлаш ишлари учун тўланиши лозим бўлган 23,6 миллион сўмни жамият ҳисоб-рақамига ўтказиб бериш эвазига 2,3 миллион сўмни фирибгарлик йўли билан олган.
Пулларни олаётган вақтида департамент ҳамда ДХХнинг Бухоро вилояти бошқармалари тадбиркорлик субъектларининг ҳуқуқ ва манфаатларини ҳимоя қилиш юзасидан ўтказган тезкор тадбирда ашёвий далиллар билан ушланган.
Ҳолат юзасидан С.Х.га нисбатан Жиноят кодексининг 25,168-моддаси (фирибгарлик) ва 28,211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Бухорода тезроқ кредит олиш учун банк бошқарувчисига 100 доллар пора берган фуқаро жиноят устида қўлга олингани, Сурхондарёда 10 миллион сўм эвазига эр-хотин ажримини тезлаштиришни ваъда қилган сохта адвокат ушлангани, Тошкент вилояти «СЭС» бўлим мудирлари 400 доллар пора билан қўлга тушгани ҳақида хабар берилган эди.
Изоҳ (0)