Абдуғофур Аҳмедов бошқа ишга ўтиши муносабати билан Вазирлар Маҳкамаси ҳузуридаги Дин ишлари бўйича қўмита раиси лавозимидан озод этилди. Бу ҳақда қўмита матбуот хизмати хабар берди.
У ушбу лавозимда 2019 йил сентябрь ойидан буён ишлаб келган. Бунгача Абдуғофур Аҳмедов Давлат хавфсизлик хизмати Сурхондарё вилояти бошқармаси бошлиғи лавозимида фаолият юритган. Унинг янги иш жойи ҳақида ҳозирча маълум қилинмаган.
Дин ишлари бўйича қўмитанинг янги раиси этиб 2018 йилнинг 18 октябридан буён Андижон вилояти ҳокимининг жамоат ва диний ташкилотлар билан алоқалар бўйича ўринбосари лавозимида ишлаб келган Содиқ Тошбоев тайинланди.
Содиқ Тошбоев 1978 йилда Самарқанд вилоятида туғилган. 1999 йилда Г.Плеханов номидаги Россия иқтисодиёт академияси Тошкент филиалини тамомлаган, маълумоти бўйича мутахассислиги — иқтисодчи, сиёсатшунос ва тизимли таҳлилчи. У 2001—2002 йилларда «Ўзагросуғурта» Самарқанд филиали етакчи мутахассиси, 2004—2018 йилларда ҳарбий қисм ҳарбий хизматчиси бўлган.
Изоҳ (0)