Самарқанд шаҳри аҳолиси 15 йил кутган ҳудудга светофор ўрнатилди. Муаммо ушбу кўчада мактаб ўқувчисини машина уриб юборганидан сўнг ҳал этилган, деб хабар беради ИИВнинг «Постда» газетаси.
Шаҳарнинг «Боғимайдон» МФЙ раисининг сўзларига кўра, маҳалла аҳолиси светофор ўрнатишни илитмос қилиб, мунтазам турли инстанцияларга мурожаат қилиб келган. Бироқ уларга светофор ўрнатиш жуда қимматлиги борасида жавоб берилган.
Ўтган вақт давомида мазкур ҳудудда содир бўлган авариялар оқибатида ўндан ортиқ одам жароҳат олган (тўрт нафари ҳалок бўлган). Сўнгги жабланувчи — 60-сонли умумтаълим мактабининг 4-синф ўқувчиси. У шифохонага ётқизилган.
«Боғимайдон» маҳалласи аҳолиси содир бўлган ЙТҲ видеосини вилоят кенгаши депутатларига юборган.
Халқ вакилларидан бирининг сўзларига кўра, ИИБ раҳбарияти ва вилоят ҳокимлигининг тегишли амалдорлари билан ўтказилган учрашув ҳамда суҳбатлар давомида Афросиёб кўчасида светофор ўрнатишга розилик олинган.
Аввалроқ Наманганда 3 ёшли бола «Жигули» уриб кетиши оқибатида вафот этгани, Сурхондарёда Nexia-2 йўлни кесиб ўтаётган 1-синф ўқувчисини уриб юборгани тўғрисида хабар берилганди.
Изоҳ (0)