Ўзбекистонда коронавирусга чалингани расман тан олинганлар сони 82 682 нафарга етди. Соғлиқни сақлаш вазирлиги маълумотларига кўра, 29 март куни мамлакатнинг 9 та ҳудудида жами 146 та касалланиш ҳолати аниқланган. Таъкидлаш керакки, коронавирусга чалиниш ҳолатлари кетма-кет беш кундан буён биринчи марта камайди. 28 март ҳолатига кўра, мамлакатда 196 кишида COVID-19 тасдиқланган эди.
Янги касалланиш ҳолатларининг
- 2 нафари Андижон вилоятида,
- 3 нафари Бухоро вилоятида,
- 2 нафари Наманган вилоятида,
- 2 нафари Сирдарё вилоятида,
- 1 нафари Сурхондарё вилоятида,
- 1 нафари Фарғона вилоятида,
- 1 нафари Хоразм вилоятида,
- 19 нафари Тошкент вилоятида,
- 115 нафари Тошкент шаҳрида коронавирусга чалинган беморлар билан мулоқотда бўлгани сабаб намуна олинган фуқаролар орасида аниқланган.
ССВнинг қўшимча қилишича, ўтган бир сутка давомида Қорақалпоғистонда бир киши, Бухорода 6 киши, Жиззахда 2 киши, Тошкент вилоятида 22 киши, Тошкент шаҳрида эса 101 киши, республика бўйича жами 132 киши COVID-19 дан соғайган. Соғайиш кўрсаткичи 98 фоизни ташкил этмоқда.
Аввалроқ Ўзбекистонда март ойидан бошлаб коронавирусга чалиниш ҳолатлари яна кўпая бошлагани муносабати билан бир қатор таълим муассасалари вақтинча ёпилгани ёки таълимни масофавий шаклга ўтказгани тўғрисида хабар берилганди. 1 апрелдан оммавий тадбирларни ўтказишга айрим чекловлар ўрнатилмоқда.
Изоҳ (0)