Marvel ишқибози ҳамда мураббий – америкалик Рамиро Аланис «Қасоскорлар: Финал»ни томоша қилиш учун 191 марта кинога тушган ва шу орқали битта фильмни кўриш сони бўйича рекордни янгилаб, Гиннеснинг рекордлар китобига кирган, деб ёзади Peopletalk.
Умуман олганда, америкалик картинани томоша қилиш учун 34 571 дақиқа сарфлаган. Бу 575 соат ёки 24 кундан кўпроққа тўғри келади. Франшизанинг мухлиси тан олганидек, кинога боришга вақт ажратиш учун у оиласи билан вақт ўтказишни тўхтатди ва спорт залидан воз кечди.
Эслатиб ўтамиз, «Қасоскорлар: Финал» картинаси 2019 йил апрель ойида бутун дунё бўйлаб намойиш этилиб, кино тарихидаги энг кўп даромад келтирган фильмга айланган. Яқинда унинг рекордини Хитойда қайта намойиш этилган «Аватар» фильми янгилади.
Изоҳ (0)