Юлдузлар экранда мукаммал, мухлислар учун бенуқсон кўринади. Лекин улар ҳам бошқа оддий одамлар сингари хато қилиши ва йўлдан адашиши мумкин. Асосийси эса буни ўз вақтида тан олиш ва тўғри хулоса чиқариш.
Шиней Ахужа
Уйланган бўлишига қарамай, оқсоч қизга тегажоғлик қилганликда айбланган Шинейнинг иши ҳатто судгача борган. Шундан кейин актёр устидан бир фильмда суратга тушаётган актриса ҳам шикоят қилган. Шу каби муаммолардан кейин обрўсизланган актёр киносаноатда кўринмай қолган.
Вивек Оберой
Айшвария Райнинг шаънини Салмон Хондан ҳимоя қилмоқчи бўлган Вивек уни музокарага чорлаган. Унда мағлуб бўлиб, севимли қизидан айрилганидан кейин, обрўси тушиб кетган. Карьераси борасида ҳам омадсизлик кузатилган.
Аржун Рампал
Жаноб Рампал Болливуд юлдузи Ритик Рошаннинг рафиқасига «кўз сузганликда» айбланган. Кейинроқ оилали Гамбриэлла Деметриадесга илакишиб қолган. Бу ҳам етмаганидек 2020 йилда қайлиғи ва укасининг тақиқланган препаратларга аралашиб қолгани унинг унинг карьераси ва обрўсига путур етказган.
Ритик Рошан
Ритиш Рошан билан бирга суратга тушган Кангана Ранаут ўрталарида муносабат бўлгани ҳақида оламга овоза қилган. Бу машмашалар бир йилга чўзилганидан кейин Ритик рафиқаси билан ажрашган, аммо Кангана билан бошқа алоқа қилмаган.
Салмон Хон
Актёр аллақачон ҳинд киносаноатида ёмонотлиқ бўлиб бўлган. У браконьерлик, ҳамкасблари билан жанжаллашиш, мафия билан алоқада бўлганликда айбланган ва суддан боши чиқмай қолган.
Санжай Датт
Салмон Хон дўстининг репутацияси ундан ҳам ёмонроқ. Унинг қилмишлари ва қинғир ишлари ҳақида унинг ўзи ҳам очиқчасига тан олади. Ранбир Капур бош ролни ижро қилган «Санжу» номли биографик фильмда бу ҳақида ҳикоя қилинади.
Мавзуга доир:
- Айшвария Рай ўрнига Карина Капур, Шоҳрух Хон ўрнига Салмон Хон: «Девдас» фильми ҳақида кўпчиликка номаълум бўлган қизиқарли маълумотлар (фото)
- Афғон — Салмон Хон, Капурлар оиласидан бўлмаган Шаҳид Капур: Болливуд юлдузлари ҳақида қизиқарли фактлар (фото)
- Машҳур ҳинд фильмларидаги кайфиятни кўтарувчи ёқимли қўшиқлар (видео)
Изоҳ (0)