Xiaomi компанияси геймерлар учун янги флагманлари — Black Shark 4 ва 4 Pro’ни тақдим этди. Янги моделлар 720 герц частотали дисплейга эга бўлган — бу каби сенсорли қатлам смартфонларга биринчи бор ўрнатилмоқда. Бу каби юқори кўрсаткич геймерларга ўйин вақтида турли ҳаракатларни тезроқ бажариш имконини беради, деб ёзади GSMarena.
Xiaomi янги моделларга Full HD+ сифат ва 144 герцли частотали тасвир янгиланишини қўллаб-қувватлайдиган 6,67 дюймли Samsung AMOLED экранларини ўрнатган. Янги Black Shark ўзининг тач-сенсори билан мақтана олади — 720 герц. Дисплейда 20 мегапикселли фронтал камера учун кичик қирқим мавжуд, орқа панелида эса 48, 8 ва 5 мегапикселли учта камерадан иборат модуль жойлашган. Бармоқ изи сканери қурилманинг ён томонида жойлашган.
Шунингдек, смартфоннинг ён томонларида механик триггерлар ҳам бўлиб, улар ўйин вақтида ёрдам беради: ўқ отишларни амалга ошириш, пойгада нитрони ишга тушириш ва бошқа ҳаракатларни бажариш мумкин. Black Shark 4 Pro’да совитишнинг янги тизимидан фойдаланган бўлиб, у иссиқлик ютилишини олдинги авлодга нисбатан 30 фоизга оширади.
Кичик Black Shark 4’га Snapdragon 870 процессори (Black Shark 4 Pro’да — Snapdragon 888), шунингдек, 6, 8 ёки 12 гигабайт тезкор хотира (Prо версияда 8, 12 ёки 16 гигабайт) ҳамда 128 ёки 256 гигабайт ички хотира ўрнатилган (4 Pro’да 256 ёки 512 гигабайт). Аккумулятор сиғими 4500 мА/соат бўлиб, 120 ваттли тезкор қувватланиш функциясига эга.
Black Shark 4’нинг Хитойдаги расмий нархи:
- Black Shark 4 6/128 Гб — 383 доллар;
- Black Shark 4 8/128 Гб — 413 доллар;
- Black Shark 4 12/128 Гб — 445 доллар;
- Black Shark 4 12/256 Гб — 505 доллар;
- Black Shark 4 Prо 8/256 Гб — 614 доллар;
- Black Shark 4 Prо 12/256 Гб — 690 доллар;
- Black Shark 4 Prо 16/512 Гб — 813 доллар.
Изоҳ (0)