Хоразм вилояти Урганч шаҳар ИИО ФМБ ижтимоий тармоқларда яримяланғоч ҳолда сумалак пишираётган аёл-қизлар тасвирланган видеога оид ҳолатни ўрганишни бошлади, деб хабар беради вилоят ИИБ ахборот хизмати.

21 март куни ижтимоий тармоқларда Урганч шаҳридаги «Саҳара» кафеси олдида шу кафеда ишловчи бир гуруҳ хотин-қизлар яримяланғоч кийинган ҳолда сумалак пишираётганликлари акс этган видео тарқалди.

Ижтимоий тармоқ фойдаланувчилари томонидан кескин танқид қилинган ушбу видеолавҳада акс этган ҳолат юзасидан ҳозирги кунда Урганч шаҳар ИИО ФМБ томонидан суриштирув ишлари олиб борилмоқда.

Таъкидланишича, суриштирув якуни бўйича қўшимча маълумот берилади.