Россиянинг бортида 38 та космик қурилма бўлган «Союз-2.1а» ракетаси Бойқўнғир космодромидан муваффақиятли учирилди, деб ёзади «РБК» «Роскосмос» давлат корпорациясига таяниб.
«Бойқўнғир космодромидан дунёнинг 18 мамлакатига тегишли 38 та космик қурилма ортилган ‘Союз-2.1а’ ‘Фрегат’ тезлаштирувчи блоки билан старт олди», — дейилади хабарда. Кейинроқ «Союз»дан учта табақанинг барчаси муваффақиятли ажралиб чиққан.
Первое включение и выключение двигательной установки разгонного блока «Фрегат» прошло штатно.
— РОСКОСМОС (@roscosmos) March 22, 2021
А пока давайте посмотрим повтор этого красивого пуска @gk_launch 🚀 pic.twitter.com/rL4JSEQ3to
Ракетанинг асосий юки — Жанубий Кореянинг CAS500-1 сунъий йўлдоши. Шунингдек, у Япониянинг «космик чиқинди»ни йўқ қилиш учун мўлжалланган ELSА-d қурилмасини ва GRUS сериясидаги Ерни масофадан туриб зондлаш сунъий йўлдошларини, Саудия Арабистонининг Ер тасвирларини олиш ва алоқани таъминлаш учун NAJM-1 қурилмасини, Берлин техника университети ва Россия Олий иқтисодиёт мактаби илмий-тадқиқот институти сунъий йўлдошларини орбитага олиб чиқади. Қурилмалар учта қуёш-синхрон орбиталарга чиқарилади.
Февраль бошида Россияда «Союз-2.1б» ташувчи ракета коинотга учирилган, у ҳарбий сунъий йўлдошни орбитага муваффақиятли олиб чиққан эди.
28 февраль куни эса Бойқўнғир космодромидан «Союз-2.1б» ташувчи ракетаси Арктика минтақасида иқлим ва атроф-муҳитни мониторинг қилиш учун мўлжалланган «Арктика-М» космик қурилмаси билан бирга учирилган эди.