Ўзбекистон Президенти Шавкат Мирзиёев 17 март куни Россиянинг Фавқулодда ва мухтор элчиси Владимир Тюрденевни мамлакатдаги дипломатик миссияси якунлангани муносабати билан қабул қилди.
Давлат раҳбари Россиянинг Ўзбекистондаги дипломатик ваколатхонасига 11 йилдан ортиқ вақт мобайнида раҳбарлик қилиб келаётган элчи Владимир Тюрденевнинг икки томонлама дўстлик, стратегик шериклик ва иттифоқчилик муносабатларини мустаҳкамлаш, мамлакатлар ўртасидаги кўп қиррали ҳамкорликни кенгайтиришга қўшган шахсий ҳиссасини алоҳида қайд этди.
Давлат раҳбари элчи Владимир Тюрденевнинг Ўзбекистон билан Россия ўртасидаги дўстлик, стратегик шериклик ва иттифоқчилик муносабатларини мустаҳкамлаш, кўп қиррали ҳамкорликни кенгайтиришга қўшган шахсий ҳиссасини алоҳида қайд этди.
Элчининг фаол иштироки ва кўмагида турли даражаларда тизимли мулоқот ва самарали алоқалар йўлга қўйилгани таъкидланди. Савдо-иқтисодий соҳада сезиларли ютуқларга эришилди. Хусусан, кейинги йилларда ўзаро савдо ҳажми ошди, йирик инвестиция лойиҳалари илгари сурилди ва амалга оширилмоқда, Ўзбекистон ва Россия ҳудудлари ва ишбилармон доираларининг иқтисодиётнинг устувор тармоқларидаги кооперацияси кучайди.
Қайд этилишича, таълим, соғлиқни сақлаш ва маданий-гуманитар алмашинув борасида муҳим дастурлар амалга оширилмоқда. Бугунги кунда мамлакатда Россия етакчи олий таълим муассасаларининг 12 та филиали фаолият юритмоқда.
Учрашув якунида Ўзбекистон Президенти Россия элчисини давлатлараро муносабатларни чуқурлаштириш ва ҳар томонлама алоқаларни ривожлантиришга қўшган катта ҳиссаси, халқлар ўртасидаги дўстлик ришталари ва ўзаро англашувни мустаҳкамлашдаги фаол иштироки учун Ўзбекистон Республикасининг Фахрий ёрлиғи билан тақдирлади.
Владимир Тюрденев унинг дипломатик фаолиятига берилган юксак баҳо, шунингдек, Ўзбекистон ва Россия ўртасидаги кенг кўламли ҳамкорликни ривожлантиришга қаратилаётган алоҳида эътибор учун давлат раҳбарига чуқур миннатдорлик билдирди.
Бундан аввал Шавкат Мирзиёев Нурсултон Назарбоевни Наврўз байрами билан табриклагани, Шавкат Мирзиёев «Лукойл» компанияси президенти Вагит Алекперовни қабул қилгани ҳамда Шавкат Мирзиёев Қашқадарёда амалга ошириладиган инвестиция лойиҳалари тақдимоти билан танишгани ҳақида хабар берилганди.
Изоҳ (0)