Мексика Конгрессининг қуйи палатаси рекреацион, тиббий ва илмий мақсадларда каннабис ўсимлигидан фойдаланганлик учун жиноий жавобгарликни бекор қилувчи қонун лойиҳасини қабул қилди. Бу ҳақда Reuters хабар берди.
Мексика Конгрессининг 316 нафар депутати қонун қабул қилинишини қўллаб овоз берган бўлса, 127 нафар депутат бунга қарши чиқди. Қонун лойиҳаси марихуанани етиштириш, қайта ишлаш, сотиш, тадқиқ этиш, экспорт ёки импорт қилиш учун беш хил лицензия берилишини кўзда тутади. Фақат 18 ёшга тўлган ва рухсатнома олган одамлар марихуана етиштириши ёки уни истеъмол қилиши мумкин.
Қонун лойиҳасининг якуний тасдиқланиши учун парламентнинг юқори палатасига тақдим этилади, бу ерда қонун матнига кичик ўзгаришлар киритилиши мумкин.
«Бугун биз тарихни яратяпмиз», — деди Лопес Обрадорнинг ҳукмрон партиясидан бўлган депутат Морена Симей Олвера.
Аввалроқ мамлакат президенти каннабис ва бошқа гиёҳванд моддаларни қонунийлаштириш Мексиканинг кучли наркокартелларига қарши курашишда ёрдам бериши мумкинлигини айтган эди.
Изоҳ (0)