Тошкент шаҳри Юнусобод туманида коммунал тўловлар учун аҳолидан йиғилган маблағларни ўзлаштириб юборган шахсларга жиноят иши қўзғатилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Бош прокуратура ҳузуридаги Департаментнинг Юнусобод туман бўлими томонидан терговга қадар текширув ўтказилган. Текширув давомида «Б.Қ.» хусусий уй-жой мулкдорларининг ширкати раҳбари ва бошқалар олдиндан тил бириктириб, 2020 йил ҳамда шу йилнинг февраль ойига қадар уй-жой мулкдорларидан бадал тўлови, иссиқ сув, иссиқлик энергияси таъминоти ва автотураргоҳ учун ундирилган 288,3 миллион сўмни банк муассасасига топширмасдан, ўзлаштириш йўли билан талон-торож қилгани аниқланган.
Мазкур ҳолат юзасидан Жиноят кодексининг 167-моддаси (талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Мавзуга доир: Андижонда эҳтиёжмандларга ажратилган 111,5 млн сўм субсидия пуллари талон-торож қилинди
Изоҳ (0)