«Манчестер Сити» бош мураббийи Хосеп Гвардиола жамоасининг кетма-кет 20 та ўйиндан буён ғалаба қозониб келаётгани ҳақида фикр юритди.
Биз қўлга киритган натижаларимиздан қониқяпмиз, буни инкор этиб бўлмайди. Агар буни аввал ҳеч ким уддалай олмаган бўлса, демак, бу қийин вазифа.Эслатиб ўтамиз, «шаҳарликлар» барча мусобақалар доирасида кетма-кет 20 та ўйиндан ғалабали серия қайд этмоқда. Бу Англия клублари орасида рекорд ҳисобланади, Европа топ-5 лигаларида эса энг яхши учинчи натижа.Бироқ охир-оқибат совринни бошинг узра кўтариш ёки кўтармаслик масаласи муҳим бўлиб қолади. Шундай экан биз хотиржам ўтириб, ҳаммаси яхши экани ҳақида гапира олмаймиз. Олдинда кам бўлмаган ишлар турибди ва яна-да яхшироқ натижа кўрсата олишимизга ишонаман.
Европанинг энг яхши жамоаси — «Бавария». У ютиб олиши мумкин бўлган барча совринга эга чиқди. Англияда эса «Ливерпуль» чемпион ҳисобланади, шу сабаб ҳозирда энг яхши жамоа айнан у.
Агар тожни қўлга киритмоқчи бўлсанг, ғалаба қозонишинга тўғри келади. Февраль ёки март ойида ҳеч ким чемпион бўлмайди. Ҳали 36 очколик йўл турибди, бир ҳафта ичида кўп очко йўқотиш мумкин. Рақиблар кучли.
Хосеп Гвардиола, «Манчестер Сити» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)