ИШИДга алоқадор жангарилар Нигериянинг шимоли-шарқида жойлашган БМТ базасига ҳужум қилди. Бу ҳақда Agence France-Presse (AFP) нашрига таяниб, «Korrespondent.net» хабар берди.
Нашр маълумотларига кўра, жангарилар Борно штатининг Диква шаҳрида жойлашган базага ҳужум қилган ва ёқиб юборган. Ҳужум пайти БМТнинг 25 та ходими бункер ичига яширинган.
Дастлабки маълумотларга кўра, ҳужум «Ислом давлатининг Ғарбий Африка провинцияси» (собиқ «Боко Ҳарам») номли тўда жангарилари томонидан уюштирилган.
Ҳодиса тафсилотлари ва вазият ўрганилмоқда. Шунингдек, ҳужумни бартараф қилиш учун воқеа жойидан 40 километр узоқликда жойлашган Марте шаҳридан ҳарбий кучлар кутилмоқда.
Аввалроқ Нигерияда жиноятчилар мактабга ҳужум уюштириб, 300 нафардан ортиқ ўқувчи қизни ўғирлаб кетгани ҳақида хабар берилган эди.
Изоҳ (0)