Андижонда 7 ёшли боланинг қўлидан телефонини алдаб олиб, ўғирлаб кетган йигитга нисбатан жиноий иш очилди, дея хабар бермоқда Тергов департаменти.
Маълум қилинишича, 2021 йилнинг 27 февраль куни соат 19:15 ларда номаълум шахс ўзининг бошқарувидаги Spark русумли автомашинасида Олтинкўл тумани «Кўмакай» МФЙ ҳудудида йўл четида кетаётган вояга етмаган 1-синф ўқувчиси 7 ёшли А.Б.нинг олдида тўхтаб, унинг қўлидаги нархи 450 000 сўмлик RedMi 5 русумли уяли телефон аппаратини бир маротаба қўнғироқ қилиб олиш учун олиб, ҳодиса жойидан қочиб кетган.
Олиб борилган терговга қадар текширув ҳаракатлари давомида вояга етмаган А.Б. ушбу Spark русумли автомашинанинг давлат рақамини эслаб қолиб отасига маълум қилган.
Натижада ушбу жиноятни 23 ёшли Ҳ.Р. содир этганлиги аниқланиб, ўз хоҳиши билан талончилик орқали қўлга киритган уяли телефон аппаратини А.Б.нинг отасига олиб бориб берганлиги маълум бўлган.
Мазкур ҳолат юзасидан Олтинкўл тумани ИИБ ҳузуридаги Тергов бўлинмаси томонидан Ҳусниддин Р.га нисбатан Жиноят кодексининг 166-моддаси 1-қисми (талончилик) билан жиноят иши қўзғатилган. Ҳозирда тергов давом этмоқда.
Бундан аввал Наманганда ўзидан бир ёш катта йигитни уриб, телефонини олиб қўйган мактаб ўқувчиларига нисбатан жиноят иши қўзғатилгани, Фарғонада ўзгага тегишли 44 млн сўмлик 4 қоп сочни тортиб олганлар аниқлангани ҳамда Тошкентда 35 ёшли эркакни калтаклаб, телефонини олиб қўйган уч нафар шахс қўлга олингани ҳақида хабар берилганди.
Изоҳ (0)