Дунё бўйича энг кўп сотиладиган 10 та тональ крем

Дунё бўйича онлайн дўконлардаги энг кўп сотиладиган тональ кремлар рўйхатини эътиборингизга ҳавола этамиз. Маълумотлар билан танишган сўнг, мазкур тональ кремлар нима учун энг харидоргир эканлигини билиб оласиз.

Pro Filt’r Soft Matte Longwear Foundation, Fenty Beauty

Fenty Beauty маҳсулоти бўлган ушбу тональ кремнинг 50 хилдаги ранги мавжуд. Ҳақиқатан ҳам Рианна ҳар бир инсон ўзига мос рангни топиши учун анча ҳаракат қилган кўринади. Шуни ҳам таъкидлаш керакки, Pro Filt’r Soft Matte Longwear Foundation тональ креми ялтирамайдиган қопламага эга. Уни зич қилиб суртиш мумкинлиги учун ҳам мазкур крем инстаблогерлар орасида машҳур. Хонанда ёғли терида ҳам кун бўйи турадиган тональ крем яратган бўлиб, у ҳақиқатан ҳам номига мос тарзда ажойиб.

FauxFilter Foundation, Huda Beauty

Блогер Ҳуда Каттан юздаги барча муаммоларни яшира оладиган зич тональ асосга эга FauxFilter Foundation’ни тавсия қилади. Маҳсулотнинг ўзига хос хушбўйлиги ҳақида алоҳида тўхталиб ўтиш лозим, ёқимли ҳидга эгалиги билан бир қаторда ушбу крем жилосиз ва кўзга яққол ташланиб турмайди.

Double Wear Stay-In-Place Liquid Makeup, Estée Lauder

Ҳар бир визажистнинг косметик сумкасида учрайдиган таниқли маҳсулот. Estée Lauder тональ креми терида узоқ вақт туриши билан машҳур бўлиб, ундан тўғри фойдаланиш ва терини макияжга тўғри тайёрлаш крем самарасини янада мукаммал қилади. Зич қопламага эга бўлгани учун кундалик макияжда тональ кремни косметик ёғ ёки суюқ ҳайлайтер ёрдамида суюлтириб олиш лозим.

Ultra HD Invisible Cover Foundation, Make Up For Ever

Суратга тушишни яхши кўрадиганларнинг севимли маҳсулоти, чунки тери юзасини идеал текислайди ва камера қаршисида мукаммал кўринишга ёрдам беради. Ultra HD Invisible Cover Foundation ўртача қопламага эга, шу сабабли ёғли тери учун фойдаланишда Т-зонасига озгина пудра суртишни маслаҳат берамиз.

Luminous Silk Foundation, Giorgio Armani

Силлиқ тери эффектига эришмоқчимисиз? Унда сизга Giorgio Armani’нинг Luminous Silk Foundation тональ креми керак. Ушбу кремда терига жило берувчи енгил қоплама мавжуд. Визажистлар ундан кўпинча келинлар пардозида фойдаланади, чунки у макияжни яхши ушлаб туради, терига яхши сингади ва юзга соғлом кўриниш беради.

CC+ Cream with SPF 50+, IT Cosmetics

Ушбу CC тональ креми терини қандай парвариш қилишни ўргатувчи skincare-блогерлар орасида жуда машҳур. Крем ўрта қопламали, SPF 50+ ва яхши парвариш формуласига эга.

Teint Idole Ultra Long Wear Foundation, Lancôme

Ушбу тональ базада ёғ мавжуд эмас, шунинг учун аралаш ва ёғли турдаги юзларга тавсия қилиш мумкин. Teint Idole Ultra Long Wear Foundation табиий бахмал қопламали, кўп қатламли бўлиб, ишлаб чиқарувчининг сўзларига кўра кун давомида макияжни бемалол ушлаб туради. Яна шуни ҳам таъкидлаш жоизки, база таркибида парфюм йўқ, яъни ҳидга сезгир одамлар ҳам кремдан бемалол фойдаланиши мумкин.

Born This Way Foundation, Too Faced

Born This Way Foundation, Too Faced тональ креми аралаш турдаги терида яхши натижа беради. Крем юзда деярли сезилмайди ва тери юзасида чизиқ қолдирмайди.

Natural Radiant Longwear Foundation, Nars

Мазкур тональ крем деярли барча бюти-блогерларнинг видеоларида доимий равишда тавсия қилинган YouTube юлдузи ҳисобланади. Баъзилар ундан ҳалигача фойдаланиб, севимли тональ кремлари қаторида кўрсатишади. Natural Radiant Longwear Foundation теридаги қизаришларни яширади, юзга жило беради ва терини намлантириш хусусиятига ҳам эга.

Healthy Mix Foundation, Bourjois

Healthy Mix Foundation теридаги хиралик камайтиришга ва соғлом, тиниқ юзни яратишга ёрдам берувчи ўрта қопламали ва ёрқин рангга эга. Бундан ташқари, маҳсулот кристалли пигментлар билан тўйинтирилган, у терига яхши сингади ва ҳақиқий ҳаётда ҳам Instagram’даги гўзаллик фильтри вазифасини бажаради.