Қозоғистонликлар автотураргоҳда тўй ўтказди (видео)
Қозоғистонликлар тўй ўтказиш учун янги жой топди: улар турар жой биноси автотураргоҳида тўй базмини уюштирди. Автотураргоҳдаги тўй маросими Ақтауда бўлиб ўтгани тахмин қилинмоқда. Бу ҳақда Tengrinews хабар берди.
Ноодатий тўй видеолари ижтимоий тармоқ фойдаланувчилари томонидан тарқатилди. Кадрдаги эркак бу каби маросим ҳали ҳеч қаерда бўлмаганини айтган ва одамларни меҳмонга чақирган. Шунингдек, видеода безалган дастурхон кўрсатилган, видео фонида эса одамлар овози эшитилган.
«Бу беш қаватли уйимизнинг ерости автотураргоҳи. Азиз дўстлар, тўйга хуш келибсиз. Икки ёш бахтли бўлсин. Агар автотураргоҳга 1500 та машина сиғса, демак тўйимизга ҳам 1500 киши меҳмон бўлади», — деган видео қаҳрамони ё жиддий тарзда, ё ҳазиллашиб.
Кейинчалик Мангистау вилояти полиция бошқармаси тўйни ҳақиқатан ҳам Ақтау автотураргоҳида содир бўлганини тасдиқлади.
«Иштирокчилар аниқланди. Тушунтириш хатлари олинди. Маълумотлар Ақтау ҳокимлиги ҳузуридаги кузатув гуруҳига топширилди», — дея таъкидлади полиция бошқармаси.
