Марказий банк 19 февралдан хорижий валюталарнинг ўзбек сўмига нисбатан янги қийматини белгилади.
Унга кўра, долларнинг расмий курси 6,90 сўмга пастлаб, 10 514,58 сўмни ташкил қилди. Евро 1,50 сўмга пастлаб, 12 695,30 сўм бўлди.
Бир кун аввал, 17 февраль куни долларнинг расмий курси 5,70 сўмга пастлаб, 10 521,48 сўмни ташкил қилгани ҳақида хабар берилган эди. Ўзбекистондаги тижорат банкларида доллар курси 16 февралдан бошлаб 10 590 сўмга қадар кўтарилганди.
Эслатиб ўтамиз, Марказий банк ички валюта бозорида валюта олди-сотди операцияларини такомиллаштириш тўғрисидаги қарорга кўра, Ўзбекистонда 15 февралдан бошлаб валюта курси ҳафтада бир марта эмас, ҳар куни эълон қилиниши белгиланган.
Изоҳ (0)