Ижтимоий тармоқларда Тошкентнинг Бектемир туманидаги Чирчиқ дарёси бўйида йирик ёнғин содир бўлгани тасвирланган видео тарқалди. ФВВ матбуот хизматининг маълум қилишича, ёнғин оқибатида ҳеч кимга жароҳат етмаган.
14 февраль куни ижтимоий тармоқларда пойтахтнинг Бектемир туманидаги «Нурафшон» маҳалласида ёғоч қутилар ёнаётгани тасвирланган видео тарқалди. Маълум қилинишича, Чирчиқ дарёсининг қирғоғида 100 квадрат метр картон қутиларнинг парчалари ва эски ёғоч қутилар ёниб кетган.
ФВВ хабарига кўра, ёнғин-қутқарув гуруҳлари беш дақиқа ичида воқеа жойига етиб борган ва ёнғин бир неча дақиқа ичида ўчирилган.
Ҳодиса натижасида қурбонлар ва жароҳатланганлар йўқ.
Аввалроқ Бекободдаги хонадонларнинг бирида юз берган ёнғинда бир кишининг ҳаёти сақлаб қолингани, Тошкент шаҳар Яшнобод туманидаги овқатланиш шохобчаларидан бирида ёнғин содир бўлгани, Самарқанд дарвоза кўчасидаги ёнғин оқибатида бир-бирига туташ бешта уй зарар кўргани ҳақида хабар берилган эди.
Изоҳ (0)