Тошкент шаҳар Яшнобод туманидаги овқатланиш шохобчаларидан бирида ёнғин содир бўлди, дея хабар бермоқда ФВВ.
Қайд этилишича, ФВВга 13 февраль соат 19:31 да Яшнобод туманидаги Авиасозлар 3-тор кўчасида жойлашган овқатланиш шохобчаларидан бирида ёнғин содир бўлаётгани тўғрисида хабар келиб тушган.
Таъкидланишича, ёнғин-қутқарув бўлинмалари манзилга соат 19:37 да етиб бориб, ёнғинни соат 20:07 да тўлиқ бартараф этган. Воқеа жойига 5 та ёнғин-қутқарув экипажи жалб этилган.
Офат натижасида бинонинг тахминан 200 квадрат метр майдони зарарланган бўлиб, кўрилган тезкор ҳаракатлар натижасида бинонинг 400 квадрат метр майдони сақлаб қолинган. Тан жароҳати олганлар йўқ. Ҳозирда ёнғиннинг келиб чиқиш сабаблари ва кўрилган зарар миқдори аниқланмаган.
Бундан аввал Самарқанд дарвоза кўчасидаги ёнғин оқибатида бир-бирига туташ бешта уй зарар кўргани, Намангандаги хонадонда рўй берган ёнғин бир соатдан сўнг бартараф этилгани, Фарғонадаги озиқ-овқат дўконида ёнғин келиб чиққани ҳамда Гулистондаги «Эски бозор» ҳудудида жойлашган қассобхонада ёнғин чиққани ҳақида хабар берилганди.
Изоҳ (0)