Ўзбекистон Фавқулодда вазиятлар вазирлиги 11 февраль куни Telegram’да ушланган бошпанасиз итлар отиб ташланиши тўғрисидаги хабарларга изоҳ берди.
«ФВВ, итларни ушлаш бўйича ҳар йилги мусобақасини ўтказаётган кўринади. ‘Зўр-а?’. Жорий йилда ‘Ҳаёт’ (бошпанасиз ҳайвонлар мурувват уйи — таҳр.) итлар ушланганидан сўнг, реабилитация ва ахталашга олиб кетилиши бўйича келишиб олди. Волонтёрлар Бўкага келиб, ‘жасур’ ит тутувчилар бечора кўппакларни ушлаб, калтакланганига, кичик хонага 200 таси қамаб қўйилганига гувоҳ бўлди ва уларнинг барчасини отиб ташлаш режалаштирилган», — дейилади постда.
ФВВнинг маълум қилишича, вазият яхшилаб ўрганилган бўлиб, муаллифнинг айблови «асоссиз ва ҳақиқатга мос келмайди».
«Бугун асосий манбаси итлар бўлган қутуриш тарқалишининг олдини олишга йўналтирилган профилактика тадбири доирасида бошпанасиз тўрт оёқли жонзотлар ушланди», — дейилади ФВВ матбуот хизмати хабарида. Тадбир ИИВ, Соғлиқни сақлаш вазирлиги, Ветеринария ва чорвачиликни ривожлантириш бошқармаси ва Бўка туман ҳокимлиги томонидан ўтказилган.
«Муаллиф бошпанасиз итлар отиб ташланишини тахмин қилди. Ушбу тахмин ҳам ҳақиқатга мос келмайди. Аксинча. Бошпанасиз итлар ветеринария текшируви учун ушланган. Тўрт оёқли жонзотлар 5 сутка давомида Ободончилик бошқармасида ушлаб турилади, бу вақт давомида итларнинг эгаси топилмаса, улар парваришланадиган махсус жойга юборилади», — дейилади хабарда.
Таъкидлашича, қўлга олинган ҳайвонларни хусусий парваришлар масканларига топширилиши одатда ҳайвон ҳимоячилари ва уларни ушловчи бригадалар ўртасидаги келишувга боғлиқ. Вазирлар Маҳкамасининг 2011 йил 8 июлдаги 202-сонли қарори билан қаровсиз ҳайвонларни тутиш ва парвариш қилиш, қўлга олинган ҳайвонлар учун давлат бошпаналарини яратиш ва таъминлаш хизматлари фаолияти тартибга солинган.
Аввалроқ Тошкент вилоятида ўқувчи бошпанасиз итларнинг отилишига қарши чиққан фаолнинг бошини ғишт билан уриб ёргани тўғрисида хабар берилганди.
Изоҳ (0)