Фарғона вилоятидаги туман ҳокимларининг айримлари аравани тортмаяпти, улар хизмат вазифасига сидқидилдан ёндашмаяпти. Бу ҳақда айни пайтда Президент Шавкат Мирзиёев раислигида ўтказилаётган Халқ депутатлари Фарғона вилояти кенгашининг навбатдан ташқари 26-сессиясида давлат раҳбари таъкидлаб ўтди, дея хабар бермоқда «Дарё» мухбири.
«Президент вакилиман, деган ҳар бир амалдор халқ манфаати, аҳоли муаммоларига елкадош бўлиши зарур. Энг катта ташвишим — қуйи бўғиндаги ҳокимлар, сектор раҳбарлари, ташкилот амалдорлари масъулият билан ишламаяпти, масъулиятни ҳис қилмаяпти. ‘Бизга бўлаверади, муаммони туман, вилоят ҳокими ҳал қилади’, деган фикрда кун ўтказишмоқда. Улар бирлашиб, муаммоларни сифат жиҳатдан ҳал қилишмайди.
Ҳар бир депутат ‘Депутат деган мақомга муносибманми?’, деган адолатли саволни ўзига бериши керак. Бир йилда нечта савол бердим? Афсуски, у саволларга ижобий жавоб йўқ. Мудраб ўтирадиган вақт ўтди. Замон ўзгаряпти, вақт ўтаверади, аммо биз эртага кечикамиз, замондан орқада қолиб кетамиз. Депутатлар, талаб қилмаяпсизлар. Депутат дегани — халқ овози, халқ дарди дегани. Ижро ҳокимиятидан фарғонача эмас, сал аччиқроқ талаб қилишларингиз зарур», — деди давлат раҳбари.
Мавзуга доир:
Изоҳ (0)