Европа Суперлигасига асос солинган тақдирда мазкур мусобақада қайси жамоалар иштирок этиши маълум бўлди.
Клублар УЕФА ва ФИФАга қарши туришга тайёр ҳамда 2022/23 йилги мавсумдан старт олиши кутилаётган янги мусобақанинг деталларини муҳокама қилишда давом этмоқда.
Мусобақада 20 та жамоа иштирок этади, улардан 15 таси мунтазам иштирокчилар бўлади. Улар: «Интер», «Милан», «Ювентус», «Арсенал», «Челси», «Ливерпуль», «Тоттенҳэм», «Манчестер Сити», «Манчестер Юнайтед», «Атлетико», «Барселона», «Реал», «Бавария», «Боруссия Д» ва ПСЖ.
Ҳар бир жамоа йилига кафолатланган 350 миллион евро миқдоридаги пулга эга бўлади. Жамоалар ҳар бирида ўнтадан иштирокчига эга икки гуруҳга ажралиши мумкин. Ўз гуруҳида дастлабки тўртта ўринни эгаллаган жамоалар плей-офф босқичига йўлланма олади, дея хабар қилмоқда Football Italia.
Шу билан бирга УЕФА ҳам Чемпионлар Лигасининг форматини шунга ўхшаш қилиб ўзгартирмоқчи. Мусобақани 2024—2027 йилларда янги тизим бўйича ўтказиш режа қилинган. Унда ҳар бир клуб камида ўнтадан ўйинда иштирок этади.Аввалроқ ФИФА, УЕФА ва қолган барча минтақа конфедерациялари Европа Суперлигасида қатнашган жамоаларни ўз тасарруфидаги мусобақалардан чиқариб юборишини маълум қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)