Самарқанд шаҳрида яшовчи Зуҳра Қиёмованинг фуқаролик ишлари бўйича Чироқчи туман суди қарори ижроси таъминланмаётганлиги юзасидан шикояти эълон қилинган эди. Мазкур мақолага МИБ Самарқанд вилоят бошқармаси муносабат билдирди.
Фуқаролик ишлари бўйича Чироқчи туман судининг 2020 йил 6 январдаги қарори ва фуқаролик ишлари бўйича Қашқадарё вилоят судининг шу йил 3 июлдаги ажримига асосан даъвогар Зуҳра Қиёмовага жавобгарлар Ғанишер Рўзиқулов, Зулфия Ражабова ва Абдужалол Рўзиқуловлардан вояга етмаган фарзанди Шамшодбек Абдужалоловни тарбиясига олиб бериш белгиланган.
Мажбурий ижро ҳаракатларини олиб борган бюронинг Чироқчи туман бўлими қарздор Ғанишер Рўзиқуловни «Самарқандда яшайди, мазкур масала билан Самарқанд вилояти шуғулланади» дея мурожаатчига жавоб хати йўллаган. Ва мазкур ижро ҳужжати Самарқанд вилоятига юборилган.Мажбурий ижро бюроси Самарқанд шаҳар бўлими ходимлари томонидан кўрсатилган манзиллардан бири Самарқанд шаҳар, Мирзо Улуғбек кўчасидаги хонадон излаб борилганда Самарқанд ветеринария медицина институтининг (собиқ Самарқанд қишлоқ хўжалиги институти) ётоқхонаси эканлиги маълум бўлди. Маълум бўлишича, Ғанишер Рўзиқулов ушбу институтда муқаддам таълим олган.
Кўрсатилган иккинчи манзил — шаҳардаги «Мустақиллик» маҳалласи Мирзо Улуғбек кўчасидаги уй эса 2016 йилда бузилганлиги сабабли жавобгар бу ердан кўчиб кетганлиги маълум бўлди.
Мазкур ижро ҳаракатларини давом эттириб, суд ҳужжатларида кўрсатилган иккинчи ва учинчи жавобгарларга нисбатан суриштирув ишлари олиб борилиши лозим бўлади.
Мажбурий ижро бюроси Самарқанд вилоят бошқармаси ахборот хизмати
Изоҳ (0)