Жиноятчилар оламида «Осиёлик Эль Чапо» лақаби билан танилган наркобарон Се Чи Лоп Нидерландияда ҳибсга олинди. Бу ҳақда Daily Mail хабар бермоқда.
Жиноятчи икки йиллик қидирувдан сўнг ҳибсга олинган. Таъкидланишича, қидирувда Интерпол иштирок этган.
Келиб чиқиши хитойлик бўлган Канада фуқароси дунёдаги энг йирик метамфетамин савдогарларидан бири ҳисобланади. Таъкидланишича, Австралияга олиб кирилаётган 70 фоиз гиёҳванд моддалар ушбу шахс бошқарувидаги «Сэм Гор» синдикати орқали етказилади.
Daily Mail Чи Лоп махсус лабораторияларда ишлаб чиқилган кўплаб гиёҳванд моддаларни тарқатадиган бир нечта хитойлик мафия уяларига масъул бўлганлигини таъкидлайди.
Бирлашган Миллатлар Ташкилотининг Гиёҳванд моддалар ва жиноятчилик бўйича бошқармаси (UNODC) маълумотларига кўра, жиноий ҳаракатлар Чи Лопга йилига 10 миллиарддан 23 миллиард долларгача даромад келтирган. Чи Лопга нисбатан АҚШ, Канада, Мьянма, Хитой, Таиланд ва Япония каби 20 га яқин мамлакат ҳуқуқни муҳофаза қилиш идоралари қидирув эълон қилган.
Изоҳ (0)