Журналист Наргиза Муродова яқин кунларда она бўлиш арафасида турган актриса Баҳора Арслонова билан суҳбатлашди. Интервью давомида актриса қомат муаммосидан қайғурмаётгани ва Россияга кетиш фикридан қайтгани ҳақида гапирди.

Фото: Instagram / @bahora_arslonova

— Инсон ҳаёти иш ёки ижоддан иборат эмас. Ўз вақтида оилага ҳам эътибор қаратиш лозим. Шу боис, ҳомиладор бўлгач, барча ишларни бир четга суриб фақат ўзим ва фарзандим ҳақида қайғуришга қарор қилдим, — дейди актриса. — Ҳомиладорликнинг тўққизинчи ойига қадар деярли кўчага чиққаним йўқ. Ҳомиладор бўлишдан аввал бир нечта продюсерлар билан шартнома имзолагандик. Бахтга қарши барчасини рад этишимга тўғри келди. Аммо бундан афсусланмайман.

Фото: Instagram / @bahora_arslonova

— Ҳомиладорлик пайтим ажойиб ўтмоқда. Вазним нақд 55 килодан 85 килога ортди. Аммо бу мени ҳавотирга солаётгани йўқ. Муҳими, фарзандим соғлом туғилса бас.

Фото: Instagram / @bahora_arslonova

— 2020 йилнинг март ойида турмуш ўртоғим билан Россияга кетиш ва режиссёрлик соҳасида таҳсил олишни ният қилгандим. Карантин чекловлари сабаб ниятим амалга ошмади. «Ҳар нарса яхшиликка» дейишганидек, Рамазон ойида ҳомиладор эканим маълум бўлди. Рости, бу менинг икки йиллик орзум эди. Шу боис барча юмушларни, ҳатто ўқиш ҳақидаги қароримни ҳам бир четга суриб, бор эътиборимни соғлигимга қаратдим.

Фото: Instagram / @bahora_arslonova

Эслатиб ўтамиз, актриса 2018 йилда асли самарқандлик, аммо узоқ йиллардан буён Россияда яшайдиган Шерали Бобоқулов билан оила қурган. Ўттиз ёшдаги актриса шу кунгача «Тинчлик ортида», «Комила», Она қизим», «Иснод» ва «Зурриёд» каби қатор фильм ва серилларда суратга тушган.

Муаллиф:Наргизахон Муродова