Дональд Трампнинг шахсий адвокати Руди Жулиани ABC News телеканалига берган интервьюсида у импичмент иши бўйича давлат раҳбарини ҳимоя қилиш жамоаси таркибида эканлигини маълум қилди, деб хабар бермоқда «РБК». Ушбу жамоа Трампнинг президентлик сайловларни қалбакилаштириш ҳақидаги даъволари исёнга даъват эмаслиги ҳақида далиллар тайёрламоқда.
«Улар [демократлар]нинг такидлашича, [Tрамп] сайлов қалбакилаштирилганлиги ҳақида гапирганда — мен ёки бошқа бирор ким — зўравонликка ундаймиз; унинг бу сўзлари ҳақиқатдан мутлақо йироқ бўлгани учун жанговар сўзлар ҳисобланади», — деган Жулиан. — Агар биз бунинг ҳақиқат эканлигини ёки ҳеч бўлмаганда қонуний жиҳатдан ҳақиқатга яқин эканлигини исботлай олсак, у ҳолда бу жанговар сўз эмас».
Адвокатнинг фикрича, агар Трампнинг ҳимоячилари сайловни қалбакилаштирилганлиги ҳақидаги даъволарнинг ҳеч бўлмаганда қисман ҳақиқат эканлигини исботлай олса, бу демократларни асосий аргументдан маҳрум қилади.
Жулианнинг айтишича, Трампнинг иккинчи импичментига қандай ёндашиши кераклиги борасида ҳар хил қарашлар мавжуд. Адвокат амалдаги президент ишни кўриш вақтида гувоҳлик беришини истисно қилмади. «Агар улар ишни судга оширишга қарор қилса, у ҳолда импичментни тўлиқ ноқонуний деб рад этиши керак. Бу қанча — икки-ми уч кун ичида амалга оширилган ягона импичмент», — деган у.
Адвокатнинг таъкидлашича, унинг фикрига кўра, суд қарори бир неча кун ичида ҳар қандай масала бўйича Конгресс ҳар кимга импичмент эълон қилиши мумкин бўлган ҳолатни яратиши мумкин. Жулиан президентнинг чиқиши ва тартибсизликлар ўртасида муайян вақт орқалиғи борлиги учун ҳам Трампнинг сўзларини зўравонликка ундаш сифатида қабул қилмаслик кераклигини қўшимча қилган.
АҚШ Вакиллар палатаси 13 январь куни Трампга импичмент эълон қилганди. Уни ҳокимиятдан четлатиш тўғрисидаги резолюция конгрессменларнинг 232 нафари, шу жумладан 10 нафар республикачи ҳам овоз берган. Яна 197 киши Трампнинг четлатилишига қарши чиқди.
Ишни кўриб чиқиш ва президент устидан суд жараёни давлат раҳбари лавозимидан расман истеъфога чиққанидан кейин ҳам давом этиши мумкин (АҚШнинг янги президентининг инаугурацияси 20 январда бўлиб ўтади). Бундай вазиятда сенаторлар унга келажакда давлат лавозимларида ишлашни тақиқлаши мумкин.
Бу АҚШ тарихида биринчи марта президентга икки марта импичмент эълон қилиниши. Вакиллар Палатаси Трампга 2019 йил декабрида импичмент эълон қилганди. Аммо унга қарши айбловларни Сенатда кўриб чиқишнинг навбатдаги босқичида у оқланган.