Замонавий технологиялар ҳаётни том маънода ўзгартириши билан бир қаторда, гўзаллик саноатига ҳам фаол кириб келмоқда. Терини парваришлаш учун косметологга мурожаат қилишнинг ўрнини босувчи бюти-девайслар ҳозирда ажабланарли эмас. Энди эса фақат сиз учун ранг яратиб берувчи лаб бўёғи гаджетига нима дейсиз?
«Yves Saint Laurent Beaute Rouge Sur Mesure Powered by Perso» – бу биргина ном холос. Макияж ҳақидаги ўйларни тубдан ўзгартирадиган энг сўнгги қурилма. Танланган ранглар схемасида қизил, малла, сарғиш ёки тўқ пушти ранглар бўйича лаб бўёғи рангини яратиш имкониятига эга. Бунинг учун мосламага YSL Beauty Velvet Cream Matte Finish текстураси билан мос келадиган 3 та капсулани киритиш ва керакли параметрларни ўрнатиш керак. Натижада жуда камёб ранглар ҳосил бўлади. Шунингдек, қурилма образ учун ҳам мос рангни танлай олади. Ёки тақдим этилган суратга қараб ҳам ранг нусхалаши мумкин. У Bluetooth технологиясидан фойдаланган ҳолда жараённи амалга оширади.
Шунингдек, бу каби гўзаллик роботининг ўзига хос чекловлари ҳам бор. Биринчидан, у фақат YSL лаб бўёғи капсулаларида ишлайди. Иккинчидан, у турли хил ранг схемаларидаги рангларни аралаштирмайди, буни амалга оширишнинг имкони йўқ. Ҳозирча уни косметик воситалар дўконидан ҳам топиб бўлмайди. Маҳсулотни фақат буюртма орқали бир неча ойдан сўнг харид қилиш мумкин.
Изоҳ (0)