Sony компанияси 2021 йилнинг телевизорлар линейкаси — Bravia XR’ни тақдим этди. Ишлаб чиқарувчининг сўзларига кўра, бу «когнитив интеллект»га эга дунёдаги биринчи телевизорлар ҳисобланади, деб ёзади IXBT.
Линeйкадан 8К, 4К, шунингдек, 4К OLED экранли моделлар ўрин олган. Улар Cognitive Processor XR асосида яратилган. Sony’нинг таъкидлашича, «когнитив» процессорлар худди «инсон мияси каби» ишлайди, бу эса овоз ва тасвирни ўта юқори даражада реал ҳолатда яратиш имконини беради.
«Cognitive Processor XR интеллектуал процессори базасида яратилган янгиликларда аудиовизуал маълумотларни қайта ишлашда оддий сунъий интеллект алгоритмлари имкониятидан ташқарида бўлган инновацион ечимдан фойдаланилади», — дейилади хабарда.
Sony Bravia XR 2021 линейкаси қуйидагича кўриниш олган:- диагонали 85 ва 75 дюймга тенг Z9J Master Series 8K (Full array LCD);
- диагонали 83, 65 ва 55 дюймга тенг A90J Master Series 4K (OLED);
- диагонали 77, 65 ва 55 дюймга тенг A80J 4К (OLED);
- диагонали 85, 75 ва 55 дюймга тенг X95J 4K (Full array LCD);
- диагонали 100, 75, 65, 55 ва 50 дюймга тенг X90J 4K (Full array LCD).
Телевизорлар овозли бошқарувчига эга янги Google TV интерфейсидан фойдаланади, шунингдек, 4К сифатни сониясига 120 та янгиланиш кадри орқали қўллаб-қувватлайди. Google Assistant ва Amazon Alexa овозли ёрдамчилари функциясида ҳам ишлаш имконияти мавжуд.
Sony ушбу телевизорларнинг нархини 2021 йил баҳорида эълон қилиш ниятида.
Изоҳ (0)