30 ёшли британиялик Томас Тодд доимо қўшиқчи Селин Дионнинг мухлиси бўлиб келгани ва шампан виноси ичиб телевизорда унинг концертини кўриб ўтирган вақтида исмини ўзгартиришга қарор қилганини маълум қилди, деб ёзади Esquire.
«Мен Селин Дионнинг бироз ‘жиннисиман’. Локдаун вақтида унинг кўплаб телевизион трансляциясини томоша қилдим. Дионнинг навбатдаги чиқиши вақтида бу ажойиб ғоя эканлигини ўйлаб қолдим. Ўшанда бироз маст эдим», — дейди Тодд.
Томас исмини ўзгартириш учун онлайн ариза топширган ва бунинг учун 89 фунт стерлинг сарфлаган. Бироқ унинг айтишича, барчаси қандай содир бўлганини ўзи эслай олмайди.
https://twitter.com/ThomasDodd1/status/1344371858385338369
«Тўғрисини айтганда, буни қандай амалга оширганимни эслай олмайман. Ҳатто почта қутисидаги хатни топиб олмагунимга қадар исмимни ўзгартирганимдан бехабар эдим. Аввалига кимдир ҳазиллашяпти деб ўйладим, кейин банкда барчасини тасдиқлашди», — дейди мухлис.
Эркак ўзининг эски исмига қайтишга шошилмаяпти. «Онамга барчаси бундан ҳам ёмонроқ бўлиши мумкинлигини тушунтирдим, ахир Борис Жонсонни танлашим мумкин эди — яхшиям у концертлар бермайди», — дея қўшимча қилади Тодд.
Изоҳ (0)