Хитой иқтисодиёти 2028 йилда АҚШ иқтисодиётидан ўзиб кетади, деб ёзмоқда Bloomberg. Американинг Centre for Economics and Business Research (CЕBR) тадқиқотига таяниб.
Бу Хитойнинг коронавирус пандемиясини енгилроқ ўтказгани ва тезроқ тиклангани билан боғлиқ.
Нашрнинг ёзишича, 2019 йилда экспертлар Хитой АҚШ иқтисодиётини 2033 йилдан сўнггина ўзиб кетиши мумкинлигини тахмин қилганди. Бундан ташқари, Осиёнинг яна бир давлати — Ҳиндистон 2030 йилга келиб жаҳон иқтисодиёти рейтингида учинчи ўринни эгаллаши мумкин. Ҳозир у олтинчи ўринда.
Хитой йирик иқтисодиётга эга мамлакатлар рейтингида иккинчи ўринда. Ундан кейинги ўринда Япония, Германия, Буюк Британия, Ҳиндистон ва Франция. CЕBR прогнозига кўра, 2030 йилга келиб кучли учликнинг ҳар бири бир поғонага пастлайди ва бу ҳолат 2035 йилгача сақланиб қолади.
Хитой раиси Си Цзиньпин ноябрь ойида ҳукуматнинг янги беш йиллик режасига кўра, 2035 йилга келиб мамлакат иқтисодиёти катта эҳтимол билан икки баравар кўпайиши мумкинлигини айтган.