«Манчестер Юнайтед» раҳбарияти қишки трансфер ойнасида тўрт нафар футболчиси билан хайрлашиш ниятида.
The Athletic хабарига кўра, манкунианлар дарвозабон Серхио Ромеро, ҳимоячилар Маркос Рохо, Фил Жонс ва ярим ҳимоячи Жесси Лингардни сотиб юборишга тайёр.
Лингардга бир қатор Италия клублари қизиқиш билдирган, Фил Жонс эса «Ньюкасл» қизиқишлари доирасида бўлиб турибди. Аввалроқ Премьер Лига сўнгги поғонасида бораётган «Шеффилд Юнайтед» Лингардни ижарага олмоқчи экани хабар қилинганди.
Ромеро, Рохо ва Лингарднинг «Манчестер Юнайтед» билан амалдаги шартномаси 2021 йилнинг ёзига қадар мўлжалланган. Жонсники эса 2023 йил ёзигача амал қилади.
«Манчестер Юнайтед» жорий мавсум 13-турдан кейин АПЛ мусобақа жадвалида 26 очко билан 3-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)