Швейцариянинг дори-дармон бозорини назорат қилиш бошқармаси Pfizer ва BioNTech компаниялари томонидан ишлаб чиқарилган коронавирусга қарши вакцинани мамлакатда фойдаланиш учун маъқуллади. Бу ҳақда Swissmedic’га таяниб, «Korrespondent.net» хабар қилди.
Pfizer Швейцарияда фойдаланиш учун тасдиқланган ва хавфсизлиги исботланган биринчи вакцина ҳисобланади.
Швейцариянинг Терапевтик товарларни тартибга солиш агентлиги томонидан берилган маълумотларга кўра, вакцинанинг иккинчи инъекциясидан етти кун ўтгач организмдаги ҳимоя даражаси 90 фоиздан ошади, дейилади хабарда.
Эслатиб ўтамиз, шу вақтгача Pfizer ва BioNTech компаниялари томонидан ишлаб чиқарилган коронавирусга қарши вакцина АҚШ, Буюк Британия, Баҳрайн, Мексика ва Канадада фойдаланиш учун тасдиқланди. Pfizer ва BioNTech вакцинани Евроиттифоқда рўйхатдан ўтказиш учун ариза берган. Иттифоқда 27 декабрдан коронавирусга қарши вакцинация бошланиши маълум қилинган.
Маълумот учун, АҚШда Pfizer вакцинасидан ташқари, Moderna вакцинаси ҳам фойдаланиш учун маъқулланди.
Аввалроқ АҚШда Pfizer вакцинаси билан эмланган икки тиббиёт ходимининг аҳволи ёмонлашган, синовлардаги 6 кўнгилли эса вафот этгани ҳақида хабар берилганди.
Изоҳ (0)