Коронавирусга қарши эмлаш бошланган 4 та давлатда 1 миллиондан ортиқ одам вакцина қабул қилди

Коронавирусга қарши эмлаш кампанияси дунёнинг тўртта давлатида давом этмоқда ва айни пайтгача сайёранинг бир миллиондан ортиқ аҳолиси коронавирусга қарши вакцинани қабул қилди. Бу ҳақда Bloomberg агентлигига таяниб, «Korrespondent.net» хабар берди.

Маълум қилинишича, 1,1 миллиондан ортиқ одам коронавирусга қарши вакцина билан эмланди — булар Буюк Британия, АҚШ, Хитой ва Россия аҳолиси. Энг кўп одам Хитойда эмланган — 28 ноябрь ҳолатига кўра, 650 минг киши эмлаш олган.

Буюк Британияда 15 декабрь ҳолатига кўра, коронавирусга қарши 137,8 минг киши вакцинация қилинган, Россияда эса эмланганлар сони 320 минг кишини ташкил этган. Эмлаш 14 декабрда бошланган АҚШда 17 декабрь ҳолатига кўра, қарийб 50 минг киши вакцинанинг биринчи дозасини қабул қилган.