«Боруссия Д» ҳужумчиси Эрлинг Ҳоланд Бундеслиганинг ноябрь ойидаги энг яхши ўйинчиси деб топилди.
20 ёшли футболчи ноябрь ойидаги учта ўйинда бешта гол уришга эришди. Ҳоланд «Ҳерта»га қарши баҳсда (5:2) покер қайд этган бўлса, «Бавария» билан бўлган ўйинда (2:3) битта гол урди. «Кёльн»га қарши учрашувда (1:2) эса норвегиялик футболчи самарали ҳаракатни амалга ошира олмади.
Ушбу совринга шунингдек, Анхелинё («Лейпциг»), Жан-Филип Матета («Майнц»), Ваут Вергост («Вольфсбург»), Макс Крузе («Унион») ва Кингсли Коман («Бавария») каби футболчилар даъвогар бўлганди.
🎮 Player of the Month 🎮@ErlingHaaland picks up the #BundesligaPOTM award for November 🐝🇳🇴
— Bundesliga English (@Bundesliga_EN) December 18, 2020
@EASPORTSFIFA #FIFA21 pic.twitter.com/hLyg1e63dE
Эрлинг Бундеслига 2020/21 йилги мавсумида 8 ўйин ўтказиб, 10 гол ва иккита голли узатма муаллифига айланди. Айни вақтда футболчи жароҳатини тиклаш билан банд.
Эслатиб ўтамиз, ноябрь ойида Роберт Левандовски («Бавария») ушбу номга лойиқ кўрилган бўлса, октябрда Андрей Крамарич («Ҳоффенҳайм») ойнинг энг яхшиси бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)