Машҳурлар орасида йиллар ўтиши кўриниши ва қадди-қоматига таъсир қилмайдиган вакиллар йўқ эмас. Уларнинг бундан 10—20 йил аввалги суратларига қараб, ўзгармаганидан ҳайратланиш мумкин.
Женнифер Энистон
«Дўстлар» сериали 2004 йилда якунига етганига қарамай, Энистон ҳали ҳамон ушбу сериалда гавдалантирган қаҳрамони Рейчел сингари ёш кўринади. Бунинг сири ҳақида сўралганда, актриса ҳамма гап тўғри турмуш тарзида эканлиги, тўғри овқатланиши, йога ва соатлаб спортзалда шуғулланишини айтади.
Кайли Миноуг
Австралиялик Кайли доим ёшига нисбатан ёш кўринган. Унинг ўзи косметик амалиёт ва гўзаллик уколларидан фойдаланишини инкор этмайди.
Элизабет Хёрли
Элизабетга назар ташлаб, ёши 50 да эканини тахмин қилиш мушкул. Унинг яқинда олинган ва бундан 20 йил аввалги сурати солиштирилганда, ўтган йиллар қиёфасига таъсир қилмаган, деган хулосага келиш мумкин.
Эмма Бантон
Эмма Spice Girls гуруҳининг аъзосига айланганида эндигина 18 ёшда бўлган. Орадан 20 йилдан кўп вақт ўтганига қарамай, ҳали ҳам ўзгармагандек гўё.
Холли Берри
Холли йиллар ўтгани сайин аёллар ҳуснига-ҳусн қўшилиши мумкинлигининг исботи. У бундан 20 йил аввалгидек гўзал ва дилбар. Бунга унинг тўғри овқатланиши ва спорт залда тер тўкиб шуғулланиши сабаб.
Ева Лонгория
Еванинг ёши 45 да. Кўриниши 2004 йилдагидек бўлган актриса ҳам ёш кўриниш сирини соғлом турмуш тарзи билан боғлайди.
София Ротару
73 ёшли Софиянинг териси ҳали ҳам ёш, қомати эса кетворган. У ҳеч қандай сир йўқлигини айтиб, ҳаммаси спорт ва тиниқиб ухлаш сабаблигини қўшимча қилади.
Лайма Вайкуле
66 ёшга ўхшамайдиган Лайма эса ёш кўринишига ген сабабчи деб билади.
Ирина Аллегрова
Аллегрованинг инъекция ва косметологлардан ёрдам олгани аниқ бўлмаса ҳам бир нарсага шубҳа йўқ: 69 ёшли хонанда бундан 20 йил аввалгидек гўзал ва латофатли.
Изоҳ (0)