Шоу-бизнес вакиллари ҳамиша ҳам саҳнадагидек тош-кўзли, ялтир-юлтур либослар кийишни истамаслиги, айрим вақтларда байрамона шукуҳни ўзида акс эттирадиган образларда намоён бўлишни исташи мумкин.
Мелисса Маккарти
Актриса Мелисса аҳмоқона образлардан уялмайдиганлардан. Жимми Киммелнинг рождествоолди шоуларидан бирига Маккарти янги йил арчасини эсга соладиган яшил либосда ташриф буюрган. Энг қизиғи либос арча ўйинчоқлар, лампалар билан безатилган бўлган. Бошига тақиб олган безаги ҳақида-ку гапирмаса ҳам бўлаверади.
Леди Гага
Аслида ушбу хонанданинг киймаган кийими қолмаган. 2013 йилдаги Jingle Bell балидаги кийиниши ҳам шунга мувофиқ бўлган. Саҳнадаги ижро вақтида юлдузларга хос кийинган хонанда консертдан кейин мухлислар кўз ўнгида янги йил арчаси образида намоён бўлган. Унинг кийиниш услубидан келиб чиқиб баҳо берилса, мазкур либосни анча сипо деб аташ мумкин. Оддий қизил комбинезон кийган Гага яшил парик кийган ва ўйинчоқлар билан безатилган арча шохларидан бош аксессуари сифатида фойдаланган.
Бейонсе
Саҳнабоп либосларда кўриб кўз ўрганиб қолган Бейонсе афтидан дўстлари даврасида ноодатий кийинишни афзал билади. Рождество зиёфатларидан бирига у йўл-йўл трикотаж кўйлак устидан, зар ва ўйинчоқлар билан безатилган кардиган кийиб келган. Образни санта қалпоғи ва арча кўринишидаги кўзойнак билан якунлаган.
Жижи Хадид
2019 йилни дўстлар даврасида кутиб олишни истаган Тейлор, уйида турли либослар кийиб иштирок этиладиган зиёфат уюштирган. Унинг ўзи «Ариэл» мультфильмидаги сув париси, Блейк Лайвли «Оз мамлакати»даги Дороти либосини кийган. Ушбу кечки зиёфатга Жижи, Мери Поппинс образида келган. Бундай либосда модель башанг, аммо бошқалар билан солиштирганда катталардек кийинган.
Мавзуга доир:
Изоҳ (0)