«Қора рицар», «Шрек», «Мурватли апельсин» ва бошқа қатор ленталар Америка фильмларининг миллий реестрига киритилди, деб хабар беради Variety.
Нашрнинг таъкидлашича, рўйхатдан ўрин олиш — лента фильмларнинг миллий муҳофазаси тўғрисидаги қонунга мос равишда сақланишини билдиради.
Саралашдан ўтиши учун фильмлар «маданий, тарихий ёки эстетик аҳамиятга» эга бўлиши, шунингдек, реестрга киритилгунига қадар камида 10 йил ичида суратга олинган бўлиши керак.
Жорий йилда рўйхатга 25 та картина киритилган бўлиб, жами фильмлар сони 800 тага етди.
Эслатиб ўтамиз, фильмлар муҳофазаси бўйича АҚШ Миллий кенгаши томонидан танланган киноленталар Конгресс кутубхонасида сақланади.
Изоҳ (0)