Бугун,

  • USD 11095.31
  • RUB 173.84
  • EUR 10772.44

Андижон шаҳрининг Боғишамол даҳасида меҳнат мигрантларини тайёрлайдиган марказ фойдаланишга топширилди, дея хабар берди «Дарё» мухбири Умиджон Мамарасулов.

Фото: «Дарё»

Фото: «Дарё»

Маълум бўлишича, 800 ўринга мўлжаллаб барпо этилган аҳолини касб-ҳунарга ўқитиш маркази Президентнинг 2020 йил 11 августдаги «Камбағал ва ишсиз фуқароларни тадбиркорликка жалб қилиш, уларнинг меҳнат фаоллигини ошириш ва касб-ҳунарга ўқитишга қаратилган ҳамда аҳоли бандлигини таъминлашга оид қўшимча чора-тадбирлар тўғрисида»ги қарори ижросини таъминлаш мақсадида Андижон ижтимоий-иқтисодиёт ва педагогика коллежи негизида ташкил этилган.

Марказнинг асосий вазифаси ишсиз ва хорижга чиқиб меҳнат қилиш ниятида бўлган фуқароларни касб-ҳунарга ўқитиш ва қайта тайёрлашдан иборат. Шунингдек, марказ ишчиларнинг хориждаги корхоналарга қонуний ишга жойлашишига кўмаклашади ва уларнинг хавфсизлигини таъминлашни ҳам ўз зиммасига олади.

Фото: «Дарё»

Фото: «Дарё»

«Ўқувчилар ижтимоий келиб чиқиши, қизиқиши ва имкониятларидан келиб чиққан ҳолда касб-ҳунарга йўналтирилади. Марказда тикувчилик, мебель ва ёғочга ишлов бериш, автомобилларга техник хизмат кўрсатиш, қурилиш ва пардозлаш ишлари каби 20 га яқин касб-ҳунар ҳамда хорижий тиллар, шунингдек, борадиган давлатининг қонунчилиги, мигрантлар ҳақ-ҳуқуқлари ўргатилади. Битирувчилар дипломини олгач, мутахассислиги бўйича жаҳоннинг энг илғор ва етакчи ишлаб чиқариш корхоналари ва хизмат кўрсатиш ташкилотларида фаолиятларини давом эттиришлари мумкин», — дейди вилоят ҳокимлиги котибият мудири Элёрбек Холмирзаев.

Фото: «Дарё»

Фото: «Дарё»

Қўшимча қилинишича, вилоят ҳокимлиги томонидан Россиянинг Савдо-саноат палатаси, Касб-ҳунарга ўқитишни ривожлантириш маркази ҳамда бошқа бир қатор йирик ва нуфузли иш берувчилари билан ҳамкорликлар ўрнатилган. Айни пайтда хорижий иш берувчилар томонидан талаб қилинаётган 13 мингдан зиёд бўш иш ўрини тўғрисида маълумотлар шакллантирилган.

Изоҳ
Асосий янгиликлар
Маҳаллий
Самарқандда 2 киши овқатдан заҳарланиб вафот этди
Маҳаллий
Тошкентда автобуснинг юрган масофасига қараб тўлов қилиш тизими йўлга қўйилади
Маҳаллий
Аҳолининг валюта айирбошлашга йўналтирган пул маблағлари ҳажми 68 фоизга ўсди — Марказий банк