Австрияда коронавирусни аниқлаш бўйича аҳолини оммавий тестдан ўтказиш бошланди. Бу ҳақда «Korrespondent.net» хабар берди.
Тест ўтказиш Вена, Тирол, Форарльбе федерал ерларидан бошланган. Бунда маҳаллий ОАВ Венадаги тест олиш марказларида навбатлар юзага келгани ҳақида хабар бермоқда.
Мамлакат расмийлари вируснинг симптомсиз ташувчиларини аниқлаш ҳамда Янги йил ва Рождество байрамларида касалланиш занжирини узиш учун австрияликларни COVID-19’га текширишга қарор қилган.
Одамлар бепул ва ихтиёрий равишда текширувдан ўтказилмоқда. Дастлаб антиген экспресс-тест ўтказилади, унда вирус аниқланса, ишончлироқ ПЗР тести ўтказилади. Тест жавоби ижобий чиққанлар ўзини карантинга олиши керак бўлади.
Эслатиб ўтамиз, Австрияда 17 ноябрдан тўлиқ карантин жорий қилинган.
Изоҳ (0)